Од денес, градинките во Општина Валандово се бесплатни за сите дечиња од општината.
Во општина Валандово, ЈОУДГ „Калинка“ во моментов има згрижено вкупно 255 дечиња.
– Валандово – 135
– Пирава – 26
– Јосифово – 32
– Удово – 34
– Брајковци – 28
Има ли некакви услови кои треба да бидат исполнети за дете да посетува бесплатно градинка на територијата на општина Валандово, директорката на ЈОУДГ Валандово, Марија Тодорова-Занова за Радио Валандово вели:
– Да, согласно Законот за заштита на децата, децата треба да бидат здрави и редовно вакцинирани врз основа на календарот за вакцинација, што се утврдува со потврди од надлежни служби.
По најавите дека градинките ќе бидат бесплатни, дали се зголемува бројот на дечиња кои ги посетуваат?
– Очекуваме бројот на деца да се зголеми, ЈОУДГ„Калинка“ има доловен капацитет да згрижи 360 деца. Новиот објект „Детелинка“ во с.Јосифово е со капацитет од 60 деца и при вакви услови очекуваме да се пријават и деца од од с.Калково. Исто така и капацитетот во с.Пирава во најскоро време ќе биде зголемен. Градинката во с. Брајковци е нова, има голем капацитет да ги згржи децата од Бојмијата. Со Одлуката бесплатна градинка ќе им се овозможи на децата да ги увидат предностите од посетувањето градинка.
Дали нашите градинки во Валандово ги посетуваат дечиња од соседните општини, имаме информации дека имаме дечиња од општините Дојран, Струмица и Гевгелија, дали тие ќе бидат бесплатно згрижени во установите?
– Согласно Одлуката за ослободување од партиципација на деца згрижени во детската градинка од Совет на Општина Валандово, ослободени се жителите на Општина Валандово. Во ЈОУДГ„Калинка“ има згрижено и деца од соседните општини, што значи дека истите не се ослободени од партиципација, а се со цел да не се создаде нелојална конкуренција кон детските градинки во тие општини.
Најголемо олеснување е за оние родители кои имаат по две или три дечиња во градинка, каква е нивната реакцијата?
– Одлуката за ослободување од партиципација кај сите родители кои имаат дете во градинка е позитивно прифатена.
Имаше најави за продолжено работно време на градинките, до колку часот можат да бидат згрижени дечињата во установите?
-Работното време во ЈОУДГ „Калинка“ за секој објект поединечно е регулирано согласно условите за работа и престој на децата.
Како одговорно лице на сите градинки во општината, имате ли директен контакт вие или вашите стручни соработници со родителите на дечињата, колку се задоволни од услугата за згрижување на нивните дечиња?
– Со родителите на децата згрижени во установата имаме секојдневен контакт преку воспитно – згрижувачкиот кадар и сметаме дека се задоволни од престојот во нашите градинки.
Како се справувате финансиски во оваа енергетска криза, градинките знаеме дека треба да бидат топли во овие зимски услови, имате ли потешкотии во работењето, како ги решавате проблемите?
– Во врска со енергетската криза која не е само кај нас, оваа сезона релативно добро ќе ја пребродиме, ги почитуваме мерките на Влада, штедиме енергија, работиме домаќински без да има влијание врз секојдневното функционирање на установата за згрижување на деца.
