Успешната приказна во развојот на здравствениот систем во Валандово започнува да се испишува од далечната 1958 година кога се појавил првиот облик на организирана здравствена заштита на територијата на Општина Валандово, во Јавната здравствена установа Здравствен дом-Валандово. Во текот на годините, нашиот локален здравствен систем има направено огромни чекори и напредок во обезбедувањето на квалитетни здравствени услуги за локалната заедница истакна Роберт Марков директор на Здравствен дом – Валандово по повод одбележувањето на 7 Април Светскиот ден на здравјето, годинава под мотото „Здраве за сите“.
Пред здравственте работници како и присутните гости во Дом на култура во Валандово каде што се одржа одбележувањето, Марков рече дека здравствениот систем во Валандово денес претставува добро екипиран млад тим од високо кавалификувани и искусни медицински професионалци кои се посветени на обезбедување на највисок квалитет на нега на своите пациенти. Систем кој става силен акцент на градењето на односот со пациентите,одвојувајќи време за потребите и грижите, така што сите пациенти добиваат индивидуално внимание и третман кој е прилагоден на нивните специфични и уникатни потреби.
Во делот на инвестициите, партнерствата и иницијативите во Здравствен дом Валандово, Марков потенцира: „Направени се значителни инвестиции во современа медицинска опрема и технологии, обезбедувајќи им на пациентите да добијат точни и брзи дијагнози како и ефективни третмани.Направени се значителни напори и вложувања во обезедувањето на спеијализации и вложувањата во едукација и градење на нов и млад медицински кадар кој ќе одговори на потребите на заедницата.
Друг фактор на успех е нашето силно партнерство со установите од секундарното и терцијарното здравство. Овие партнерства ни овозможија да понудиме поголем опсег на услуги во делот на специјализираната здравствена заштита, и во тесна соработка со другите даватели на здравствени услуги односно нашите партнери, да се обезбеди беспрекорна и координирана грижа за уникатните потреби на нашата заедница.
Здравствениот дом има воспоставено силни партнерства со локалната заедница, вклучувајќи ги училиштата и детските градинки, општина Валандово, Центарот за социјални работи подрачната единица на ФЗО како и сите други институции и даватели на услуги. Овие партнерства исто така овозможуваат трансформација на здравсветниот дом во вреден ресуср за заедницата.
Конечно, Здравствениот дом Валандово е проактивен во промовирањето на превентивните здравствени мерки како што се имунизациите и програмите за здравствена едукација. Преку овие иницијативи, се надевам дека се успева во целта да се спречи ширење на болести и да се намали товарот од хронични заболувања во заедницата.
Како заклучок, сакам да потенцирам дека успехот е на сите нас и генерациите пред нас, и е доказ на посветеност, напорна работа, мудрост и стратегија .Здравствениот дом Валандово и целокоупниот здравствен систем во Валандово е навистина светилник на надеж за нашата локална заедница. Горд сум што сум дел од здравствениот систем и што можам директно да бидам вклучен и придонесувам. Затоа ги охрабрувам сите членови на нашата локална заедница да го прават истото, само заеднички можеме да направиме уште поголема трансформација во уште повреден ресурс за заедницата во годините што доаѓаат.“ рече Марков на денот кога здравствените работници го празнуваат 7 Април – Светскиот ден на Здравјето.
