Од понеделник, 16 септември, во аптеките ќе можат да се набават деветте нови лекови на позитивната листа.
Информацијата ја сподели министерот за здравство, Арбен Таравари на денешната прес-конференција. На листата се додадени лекови за крвен притисок, за срцеви заболувања, анти-агреганси, лекови за третман на депресија и за деменција.
Се работи за девет нови генерации, односно 87 лекови во различни имиња и форми.
Таравари истакна дека заедно со Светската здравствена организација (СЗО) подготвуваат платформа преку која ќе биде обезбедена транспарентност на целиот процес за идното проширување на позитивната листа, и ќе бидат земени во предвид препораките од СЗО и од експертите во државата.
Следното проширување на позитивната листа, како што најави министерот, ќе биде по Нова година.
