Училишното ѕвонче звонеше за 245 илјади основци и средношколци кои денеска повторно се враќаат во училишните клупи. И околу 18 илјади првачиња денеска за прв пат влегоа во училиште. Возбудени и со големи очекувања од новата средина. Годинава учениците ја почнуваат учебната година со учебници за сите одделенија, освен за странските јазици. И средношколците добиваат учебници за 15 предмети. Ќе изостане и пролетниот распуст, а учебната година ќе заврши на 10 јуни.
Градоначалникот на општина Валандово Перо Костадинов денес од населеното место Калково, Валандово со порака до првачињата од општината.
„СРЕЌНО ПРВАЧИЊА
Заедно, со учителката Озлем Ибраимова во подрачното училиште во #Калково, денес ги дочекавме новите првачиња и заеднички го поздравивме нивниот нов почеток.
Тие, заедно со својата учителка го одржаа првиот час, се запознаа со своите нови другарчиња и зачекорија по новите животни патеки.
Им посакувам добро здравје, насмевки и нови знаења. Нека растат безгрижно, бидат добри луѓе и сонуваат. Да го хранат убавото во себе, да станат успешни кон своите цели и да изградат подобар свет околу себе.
За секое семејство со прваче, општина #Валандово и годинава издвои по 4.000 денари.
Нека им е со среќа на сите.“
